Nobel Technical and Medical Science College

नोबेल टेक्निकल एन्ड मेडिकल साइन्स कलेज प्रा.लि. कोहलपुर–११, पेन्सन क्याम्प, बाँकेमा अवस्थित प्राविधिक शिक्षा तथा व्यावसायिक तालिम परिषद् (CTEVT) बाट सम्बन्धन प्राप्त प्रतिष्ठित प्राविधिक शिक्षालय हो। स्थापना कालदेखि नै यस कलेजले गुणस्तरीय, व्यवहारमुखी तथा रोजगारमुखी प्राविधिक शिक्षा प्रदान गर्दै दक्ष, सक्षम, अनुशासित र जिम्मेवार जनशक्ति उत्पादन गर्ने लक्ष्यका साथ आफ्नो शैक्षिक यात्रा निरन्तर अघि बढाइरहेको छ। वर्तमान समयको आवश्यकता अनुरूप सैद्धान्तिक ज्ञानसँगै व्यवहारिक सीपको विकासमा जोड दिँदै कलेजले आधुनिक प्रयोगशाला, अनुभवी तथा दक्ष प्रशिक्षक, विद्यार्थीमैत्री शैक्षिक वातावरण, नियमित आन्तरिक मूल्याङ्कन तथा प्रभावकारी शिक्षण–सिकाइ प्रणालीमार्फत उत्कृष्ट प्राविधिक शिक्षा प्रदान गर्दै आएको छ। हाल कलेजमा डिप्लोमा इन मेडिकल ल्याब टेक्नोलोजी (CMLT), प्रि–डिप्लोमा इन भेटेरिनरी साइन्स (VJTA) तथा प्रि–डिप्लोमा इन सिभिल सब–ओभरसियर कार्यक्रमहरू साथै छोटा अवधिका तालिमहरू केयर गिभर (Care Giver), कम्प्युटर हार्डवेयर एन्ड नेटवर्क टेक्निसियन र कम्प्युटर अपरेटर कार्यक्रमहरू सञ्चालनमा रहेका छन्। यी कार्यक्रमहरूले विद्यार्थीलाई अध्ययनसँगै व्यावहारिक अनुभव हासिल गर्ने अवसर प्रदान गर्दै स्वदेश तथा विदेशमा रोजगारी र स्वरोजगारका लागि सक्षम बनाउँछन्। हाम्रो लक्ष्य केवल प्रमाणपत्र प्रदान गर्नु मात्र होइन, नैतिक मूल्य, व्यावसायिक दक्षता, नेतृत्व क्षमता, आत्मविश्वास र सकारात्मक सोचले सम्पन्न दक्ष प्राविधिक जनशक्ति उत्पादन गर्नु हो। विद्यार्थीको सर्वाङ्गीण विकासका लागि शैक्षिक उत्कृष्टतासँगै अनुशासन, जिम्मेवारी, सिर्जनशीलता र सामाजिक उत्तरदायित्वलाई पनि समान महत्त्व दिइन्छ। नोबेल टेक्निकल एन्ड मेडिकल साइन्स कलेजले “गुणस्तरीय प्राविधिक शिक्षा, सक्षम जनशक्ति र समृद्ध भविष्य” भन्ने मूल उद्देश्यलाई आत्मसात गर्दै CTEVT को मापदण्डअनुसार उत्कृष्ट प्राविधिक शिक्षा प्रदान गर्न प्रतिबद्ध रहेको छ। विद्यार्थी, अभिभावक तथा समाजको विश्वासलाई सदैव सम्मान गर्दै राष्ट्रलाई आवश्यक दक्ष जनशक्ति उत्पादनमा आफ्नो योगदानलाई अझ सशक्त बनाउने हाम्रो दृढ संकल्प छ।